Rev 11 | Ndebele | STEP | Kwasekunikelwa kimi umhlanga ofanana lodondolo , njalo ingilosi yema isithi: Sukuma, ulinganise ithempeli likaNkulunkulu, lelathi , labakhonzayo kulo.

1 Kwasekunikelwa kimi umhlanga ofanana lodondolo ^a, njalo ingilosi yema isithi: Sukuma, ulinganise ithempeli likaNkulunkulu, lelathi ^b, labakhonzayo kulo. 2 Kodwa iguma ^{c
,} ^d elingaphandle kwethempeli ulitshiye ngaphandle, futhi ungalilinganisi; ngoba linikelwe ezizweni ^e; njalo zizanyathelela phansi umuzi ongcwele ^{f
,} ^g inyanga ezingamatshumi amane lambili ^h. 3 Njalo ngizanika amandla kubafakazi bami ababili ⁱ, njalo bazaprofetha ^j insuku eziyinkulungwane lamakhulu amabili lamatshumi ayisithupha ^{k
,} ^l, begqoke amasaka ^m. 4 Laba bayizihlahla ezimbili zemihlwathi ⁿ, leziqobane zezibane ezimbili ^o ezimi phambi kukaNkulunkulu womhlaba ^p. 5 Uba kukhona othanda ukubalimaza, umlilo uphuma emlonyeni wabo ^q, uqothule izitha zabo; njalo uba umuntu efisa ukubalimaza, ngokunjalo kumele abulawe ^r. 6 Laba balamandla okuvala izulu ^s, ukuze izulu lingani ngensuku zokuprofetha kwabo, futhi balamandla phezu kwamanzi, okuthi bawaphendule abe ligazi ^t, lokutshaya umhlaba ngayo yonke inhlupheko ^u, ngaso sonke isikhathi abathanda ngaso. 7 Kuzakuthi sebebuqedile ubufakazi babo ^v, isilo ^w esiphuma emgodini ongelamkhawulo ^x sizakulwa impi labo ^y, besesibanqoba, sibabulale ^z. 8 Lezidumbu ^aa zabo zizakuba semgwaqweni womuzi omkhulu ^ab, othiwa ngokomoya iSodoma ^ac leGibhithe ^ad, lapho leNkosi yethu eyabethelelwa khona ^ae. 9 Labavela ebantwini lemihlotsheni lendimini lezizweni ^af bazakhangela izidumbu ^ag zabo okwensuku ezintathu lengxenye yosuku, bengavumeli ^ah ukuthi izidumbu zabo zibekwe emangcwabeni ^ai. 10 Labakhileyo emhlabeni ^aj bazathokoza ngabo bathabe, bathumezelane izipho ^ak, ngoba lababaprofethi ababili ^al babahlupha ^am abakhileyo emhlabeni ^an. 11 Kwathi emva kwalezonsuku ezintathu lengxenye yosuku ^ao, uMoya wempilo wavela kuNkulunkulu wangena kubo ^ap, basebesima ngenyawo zabo ^aq, lokwesaba okukhulu kwehlela kwabababonayo. 12 Basebesizwa ilizwi elikhulu livela ezulwini, lisithi kubo: Yenyukelani lapha ^ar. Basebesenyukela ezulwini ^as beseyezini ^at. Lezitha zabo zibabona. 13 Langalelohola kwaba khona ukuzamazama okukhulu komhlaba ^au, lokwetshumi komuzi kwawa ^av, kwasekusifa amabizo abantu abayizinkulungwane eziyisikhombisa ekuzamazameni komhlaba; labaseleyo batshaywa luvalo, banika udumo ^aw kuNkulunkulu wezulu ^ax.

14 Umaye wesibili usedlule; khangela-ke, umaye wesithathu uyeza ngokuphangisa ^ay.

15 Ingilosi yesikhombisa yasilukhalisa uphondo ^az, kwasekusiba lamazwi amakhulu ezulwini ^ba, esithi: Imibuso yomhlaba isingeyeNkosi yethu ^bb, lekaKristu wayo ^bc, njalo izabusa kuze kube nini lanini ^bd. 16 Labadala abangamatshumi amabili lane ^be, abahlezi ezihlalweni zabo ^bf zobukhosi phambi kukaNkulunkulu, bathi mbo ngobuso babo phansi, basebekhonza uNkulunkulu, 17 besithi: Siyakubonga, Nkosi Nkulunkulu Somandla ^bg, okhona lowayekhona lozakuza ^bh, ngoba uthethe amandla akho amakhulu, ubusile ^bi. 18 Lezizwe sezithukuthele, lolaka lwakho selufikile ^bj, lesikhathi sabafileyo ^bk ukuthi bahlulelwe, lesokunika umvuzo ezincekwini zakho abaprofethi labangcwele ^bl labesaba ibizo lakho ^bm, abancinyane labakhulu ^{bn
,} ^bo, lesokubhubhisa ababhubhisa ^{▼▼ ukubhubhisa: kumbe, ukonakalisa.} umhlaba.

19 Kwasekuvulwa ithempeli likaNkulunkulu ezulwini ^bq, kwasekubonakala umtshokotsho ^br wesivumelwano sakhe ethempelini lakhe ^bs; kwasekusiba lemibane lamazwi lemidumo ^bt lokuzamazama komhlaba ^bu lesiqhotho esikhulu ^bv.